គម្រោងវិនិយោគហេដ្ឋារចនាសម្ព័ន្ធប្រព័ន្ធលូ និងប្រព័ន្ធរំដោះទឹកសម្រាប់បញ្ចៀសការជន់លិចនៅភូមិសាស្ត្ររាជធានីភ្នំពេញ លើកំណាត់ផ្លូវជាតិលេខ៤ និងតាមបណ្ដោយផ្លូវរថភ្លើង សម្រេចបានជារួម ៧៥,៨០% គិតត្រឹមថ្ងៃទី១៥ ខែកុម្ភៈ ឆ្នាំ២០២៥។
អគ្គនាយកដ្ឋានប្រព័ន្ធចម្រោះទឹកកខ្វក់បានបង្ហាញសកម្មភាព និងវឌ្ឍនភាពការងារនៃគម្រោងវិនិយោគហេដ្ឋារចនាសម្ព័ន្ធប្រព័ន្ធលូ និងប្រព័ន្ធរំដោះទឹកសម្រាប់បញ្ចៀសការជន់លិចនៅភូមិសាស្ត្ររាជធានីភ្នំពេញ ដែលអនុវត្តដោយក្រុមហ៊ុនសាងសង់ PPPP-TCM JV ដែលមានទំហំការងារ៖
១. ការងារសាងសង់លូប្រអប់ប្រវែងតាមបណ្ដោយផ្លូវជាតិលេខ៤ ខាងឆ្វេងដៃ ក្នុងចន្លោះ PK 14+050 ដល់ 19+700។ ២. ការងារកាយស្តារប្រឡាយប្រវែង 6100m ការងារតម្លើងលូអ៊ុយប្រវែង 1970m ការងារសាងសង់លូប្រអប់ផ្លូវឆ្លងកាត់ ៩ទីតាំង និងការងារសាងសង់ទ្វារទឹក ៤ទីតាំង ស្ថិតនៅតាមបណ្ដោយផ្លូវដែក (ផ្លូវរថភ្លើង) ចន្លោះ PK15+450 ដល់ 23+550។
គិតត្រឹមថ្ងៃទី១៥ ខែកុម្ភៈ ឆ្នាំ២០២៥ គម្រោងនេះសម្រេចការសាងសង់បានជារួម ៧៥,៨០%។
ប្រភព៖ PNN News
