លោក Xi Jinping បានថ្លែងថា អស់កាលជាយូរមក គ្រូបង្រៀនទូទាំងប្រទេសបានអនុវត្តគោលនយោបាយអប់រំរបស់បក្សយ៉ាងម៉ត់ចត់ ខិតខំបង្រៀន និងចែករំលែកចំណេះដឹង ដែលបានចូលរួមចំណែកយ៉ាងសំខាន់ក្នុងការអភិវឌ្ឍភារកិច្ចរបស់បក្ស និងរដ្ឋ។
លោក Xi Jinping បានសង្កត់ធ្ងន់ថា នៅក្នុងដំណើរថ្មី លោកសង្ឃឹមថា គ្រូបង្រៀនគ្រប់រូបនឹងចងចាំនូវគោលបំណង និងបេសកកម្មដើមរបស់ខ្លួនក្នុងការបណ្តុះបណ្តាលធនធានមនុស្សសម្រាប់បក្ស និងរដ្ឋ អនុវត្តភារកិច្ចជាមូលដ្ឋាននៃការអប់រំ ផ្សព្វផ្សាយស្មារតីជាអ្នកអប់រំយ៉ាងពេញទំហឹង លើកកម្ពស់គុណវុឌ្ឍិនិងសមត្ថភាពវិជ្ជាជីវៈ និងខិតខំប្រឹងប្រែងបណ្តុះបណ្តាលមនុស្សជំនាន់ថ្មីដែលមានសមត្ថភាពរ៉ាប់រងភារកិច្ចស្តារភាពរុងរឿងដ៏អស្ចារ្យរបស់ប្រជាជាតិចិន។ គណៈកម្មការបក្ស និងសាលារដ្ឋបាលគ្រប់ជាន់ថ្នាក់ គួរយកចិត្តទុកដាក់ចំពោះការពង្រឹងការកសាងសមត្ថភាពគ្រូបង្រៀន បង្កបរិយាកាសល្អប្រសើរដែលគោរពគ្រូបង្រៀន និងឱ្យតម្លៃដល់ការអប់រំនៅក្នុងសង្គមទាំងមូល និងប្រមូលផ្តុំកម្លាំងគ្នាសម្រាប់ការកសាងប្រទេសខ្លាំងក្លាខាងការអប់រំ៕
